~Aulad Ki Tarbiyat Maa - Walida Ka Kirdar (Part-4)~

▁ ▂ ▄ ▅ ▆ ▇ █ ♥ Mumtaz ♥ █ ▇ ▆ ▅ ▄ ▂ ▁

I). TARBIYAT KA 9TH MARHALA: Maa Ka Aham Kirdaar
Bacche Ki Tarbiyat Me Maa Ka Kirdar Ye Bohot Hi Aham Point Hai Yaad Rakhiye,.. Isiliye Ke Maa Zimmedar Hai Aulaad , Shohar Aur Shohar Ke Gharwalo Ki,..

*Ek Nahna Munha Baccha Apni Maa Ko Sajda Karte Hue Dekh Wo Bhi Sajde Me Chala Jata Hai,. Halanki Usko Kuch Bhi Samjhta Nahi,.. Tou Wohi Nanha Munaa Baccha Jab Maa Ko Jhuth Bolta Hua Dekhta Hai Tou Jhutha Bhi Ban Jata Hai, Chugalkhori Karte Hue Sunta Hai Phone Pe Tou Khud Bhi Chugliya Karne Lag Jata Hai, Dhokhadhadi Sunta Hai Tou Dhokeybaaz Ban Jata Hai , Maa Ko Duniyaparasti Me Mubtela Dekhta Hai Tou Khud Bhi Duniyaparast Ban Jata Hai.. Tou Maa Ka Deenpar Hona Apne Aulaad Ke Tarbiyat Ke Liye Intehayi Jaruri Hai ,..

– Isiliye Kehne Walo Ne Badi Khub Baat Kahi Ke “Maa Bacche Ka Pahla Madarsa (School) Hai” Agar Yaha Wo Paas Ho Gaya Tou Aagey Kamiyabi Hai Aur Yaha Wo Fail Ho Gaya Tou Aagey Kya Ho Sakta Hai Beharhaal Allah Reham Karey ,..

*Aur Jab Maao Ne Koshish Ki Apne Aulaad Ki Tarbiyat Me Tou Humne Aisi-Aisi Shakhsiyaat Dekhi Jo Duniya Ke Liye Misaale Ban Gayi ,.. Abdulaah-Ibn-Umar(Razi’Allahu Anhu)! .. Andaza Lagaiye Kya Inke Walid Umar (Razi’Allahu Anhu) Ke Paas Itna Wakt Hua Karta Tha Ke Wo Apne Aulaad Ki Tarbiyat Kar Sakey? Jihad Me Lagey Hai Rasool’Allah (Salallaho Alaihi Wasallam) Ke Sath, Mahino-Mahino Tak Ghar Aana Nahi Hota,..

Abdullah-Ibn-Abbas (R.A.), Osama Bin Zaid (R.A.) Aur Lambi Fehrist Ginayi Ja Sakti Hai Aise Sahaba, Tabeyeen , Tabey-Tabeyin Ki Jinka Naam Aaj Hum Fakr Se Letey Hai , Jinhe Allah Ne Sirate Mustakeem Par Roshan Chirag Ki Tarha Tamam Ummate Muslima Ke Liye Misale Bana Di ,.. Kya In Ke Walid Ke Paas Itna Wakt Hua Karta Tha Ke Wo Aulaad Ki Tarbiyat Kar Sakey.. Nahi ! Ye Tou Unki Walida Ki Koshish Thi Jo Aaj Tamam Ummate Muslima Ke Liye Misaale Hai,..

*Aur Aaj Humari Maao Ne Wo Zimma Chorr Diya Fir Jo Aulaade Dikhi Beharhaal Uska Namuna Aap Sirf Ek Gali Se Gujar Jaiye Jisme Ho Sakta Hai Ke Aapke Gujarne Tak Aap Hazaar Gaaliya Sun Le,.. Aur Hazar Nuksanat Aur Taklife Aapko Zelni Padey ,.. Allah Reham Karey..

*Ye Tou Akhlaakh Ka Muamla Hai,.. Ye Halaat Hai Humare Muhallo Ke , Aur Ye Haalat Sirf Bahar Nahi Balki Gharo Me Bhi Bacche Maa–Baap Ke Sath Yahi Suluk Karte Hai,.. Kyunki Inki Tarbiyat Par Koi Dhyan Diya Hi Nahi Gaya,..

– Ye Jangli Jhaad Ki Tarha Hai Jo Bus Aagaye, Ho Gaye Acche Tou Ho Gaye Na Hue Tou Koi Inka Pursan-e-Haal Nahi..

*Tou Maao Ne Jab Apni Zimmedari Nibhana Chor Di Tou Humne Ye Natije Dekhe,. Jabki Maa Hi Aulaad Ka Pahla Madarsa Hai,.. Inko Chahiye Ke Ye Aullad Ki Sabse Jyada Acchi Tarbiyat Karey..

# Maa Ki Galat Tarbiyat Ka Natija:
Maaye Jab Tarbiyat Acchi Nahi Karti Tou Baap Chahe Kitna Hi Deendar Ho Kuch Asar Nahi Hota,..
Aayiye Quraan-e-Kareem Se Ek Misaal Par Gour Karte Hai ,.. Nooh (Alaihi Salato Salam) Allah Ke Barguzida Nabi Hai , 950 Saal Allah Ke Deen Ki Tablig Karte Lekin Aapki Biwi Imaan Nahi Laayi Jiska Natija Ye Hua Ke Apka Beta Bhi Imaan Nahi Laya,. Jab Maa Buri Thi Tou Beta Bhi Burayi Ikhtiyar Karta Hai,.. Yahi Haal Looth (Alaihi Salam) Ki Aulaad Ke Sath Bhi Hua,. Kyunki Maa Bedeen Thi Lihaja Aulaad Bhi Bedeen Nikli,..

Ye Do Ambiya (Alaihi Salam) Nabi They Allah Ke Lekin Inki Biwiya Kafir Thi.. Natijatan Inki Aulaad Bhi Kufr Ikhtiyar Kar Letey Hai ,..

*Tou Maa Ki Galat Tarbiyat Ka Natija Nooh (Alaihi Salam) Jaise Nabi Ka Beta Bhi Baat Nahi Maana Nabi Ki,. Tou Maaye Apna Role Yaad Rakhiye Ke Inki Galat Tarbiyat Ki Wajah Se Bacche Bigadtey Hai Tou Roze Qayamat Ye Azabe Jariya Ban’ne Wala Hai..

# Maa Ki Sahi Tarbiyat Ka Asar:
1) Umme Sulem (Razi’Allahu Anha) Ka Apni Aulaad Ki Tarbiyat Ka Tazkira Karte Hai Ke Jab Inke Shohar Yaani Anas-Bin-Malik Ke Walid (Maalik) They ,.. Ye Wakiya Allah Ke Rasool’Allah (Salallaho Alaihi Wasallam) Ke Hijrat Se Pahle Ka Hai,

Jab Umme Sulem Madina Me Thi Aur Imaan Layi Aur Inke Shohar Maalik Jab Ghar Aye Tou Inke Shohar Ne Kaha Ke Tum Tou Bigad Chuki Ho(Unke Hisab Se) , Mohammad (Sallallahu Alaihi Wasallam) Ke Deen Pe Gayi Ho, Lekin Mere Betey Ko Mat Bigadna ,.. Lekin Umme Sulem Baar Baar Apne Betey Se Kehti “Ke Kaho Anas La-Ilalaha-Illalah !” Aur Anas Maa Ki Baat Sunkar Keh Detey They “La-Ilalaha-Illalah”– Tou Anas Ne Baap Ki Baat Na Mantey Hue Maa Ki Baat Suni , Kyunki Maa Ka Asar Baap Se Jyada Hota Hai Aulaad Par..

2). Isi Tarha Hajra (Alahi Salam) Bhi Ek Misaal Hai Maao Ke Liye,.. Ke Kaisi Tarbiyat Ki Thi Unhone Apne Bacche Ismayeel (Alaihi Salam) Ki , Ke Jab Baap Yaani Ibrahim (Alaihi Salam) 3 Se 4 Martaba Puri Zindagi Me Aatey Hai Ismayeel (Alaihi Salam) Ki, Aur Jab Aakar Kaha Ke Qurbani Ko Chalo, Tou Ismayeel (Alaihi Salam) Ne Kaha Ke Chalo , Aye Mere Walid! Jo Aap Behtar Samjhtey Ho , Jo Dekha Hai Khwab Me Kar Gujro “Satjiduni In’sha’Allahu Ma’sabreen!” (In’sha’Allah Aap Mujhe Sabr Karte Hue Paoge).

– Tou Aisa Koi Beta Ho Sakta Hai Ke Baap Itne Zamane Baad Aaye Aur Kahe Chalo Zuba Karna Hai Aur Chale Jaye Unke Sath,.. Ye Tarbiyat Thi Hajra (Alaihi Salam) Ki Apne Aulaad Ki ,..

*Tou Maa Sabse Pahle Apne Aap Ko Tayyar Karle , Aur Agar Inhone Apna Haq Ada Nahi Kiya Tou Roze Qayamat Ye Tayyar Rahe Apne Azab Ke Liye.

*~*--ஜ۩۞۩ஜ----Mumtaz Parveen-----ஜ۩۞۩ஜ---*~*- 

●▬▬▬▬▬ஜ۩۞۩ஜ▬▬▬▬▬●

Tweet