~Ramzan Ki Ahmiyat aur Fazilat~

▁ ▂ ▄ ▅ ▆ ▇ █ ♥ Mumtaz ♥ █ ▇ ▆ ▅ ▄ ▂ ▁

♥ *ROZE Ki Fazilat*♥ *
======✦ ✦ ✦ ✦ ========

Momino Ham Pe "Rab" Ka Ye Ahsaan Hai

Ham Ko Hasil Hua, Mahe Ramzaan Hai

======♥ ♥ ♥ ♥ ♥ ========

Mahe Ramzaan Ki Barkat Suno Momino

Iski Kya Hai Fazilat Suno Momino

Is Maheene Me Quraan Nazil Hua

Jisse Imaan Ka Noor Hasil Hua

Is Maheene Me Peeda Hue Han Hasan

Wa-sile Haq Hue Isme Khaibar-Shikan

Is Maheene Me Jange Badar Jab Hu-i

Mutthhi Bhar Momino Ko Fatah Rab Ne Di

Is Maheene Me Sab Qued Shaitaa Hue
Band Dozakh Ke Darwaze Sab Ho Gaye

Is Maheene Me "Allah" Ke Fazal Se

Sare Jannat Ke Darwaze Khole Gaye

Is Mubarak Maheene Ki Kya Baat Hai

Fazl-o- Rehmat Ki Har Waqt Barsaat Hai

Ye Maheena Hai Ayen Momino Sabr Ka

Haq Ne Wada Kiya Hai Bare Ajar Ka

Roze Ki Bhook Or Piyaas Ki Aag Se

Jalte Han Youn Gunah Phhunss Jese Jale

Is Maheene Me Momin Jo Mar Jayega

Bilyaqee Seedha Jannat Ko Wo Jayega

Momino Ye Mohammad (S.A.W) Ka Farmaan Hai

Barkaton Se Bhara Mahe Razaan Hai 

======♥ ♥ ♥ ♥ ♥ ========

Farz Ke Misl Sunnat Hai Is Maah Me

Har Trah Khair O Barkat Hai Is Maah Me

Farz Parhne Ka Darja Hai 70 Gunah

Kesi Izzat Mile Hashr Me Dekhna

Ek Neki Ka Darja Hai 70 Guna

Momino Rozedaro Ko Dega Khuda

Rozedaron Ke Muh Se Jo Boo Aati Hai

Mushk Se Bhi Siwa Rab Ko Wo Bhati Hai

Likhha Hai Ek Roza Jo Khulwayega

To Sawaab Ek Roze Ka Wo Payega

Mahe Ramzaan Me Babe Rehmat Khule

Monino Magfirat Ki Dua Kijiye

Khoob Quraan Parho Or Ibadat Karo

Hashr Me Kaam Aayega Ye Momino

Gham-zadon Bekason Ka Sahara Bano

Doobton Ke Liye Tum Kanara Bano

Apni Aankhon Me Ashke Nadamat Bharo

Gir-girra Kar Gunahon Se Toba Karo

-----

Rozadaron Pe Haq Mehar Farmayega

Apna Deedaar Mehshar Me Dikhlayega

Rozadaron Ki Dekho To Kya Shaan Hai

Barkaton Se Bhara Mahe Ramzaan Hai

======♥ ♥ ♥ ♥ ♥ ========

Momino Mahe Ramzaa Ke Roze Rakho

Tum Tarawih Or Sab Namaze Parho

Uske Piyaare Namo Ka Deke Rab Ko Wasta

Mushkile Door Hongi Ba-fazle Khuda

Waqt Sehri Ka Jab Ho To Jaldi Utho

Khalo Sehri To Roze Ki Niyyat Karo

Bhooke Rehne Hi Se Roza Kamil Nahi

Roza Har Ek Azu Ka Ho Ayen Momini

♥ Hai Zubaa Ka Ye Roza Na Geebat Karo

Koe Alfaaz Bejaa Na Muh Se Kaho

♥ Aankh Ka Roza Hai Dekhiye Mat Bura

♥ Dil Ka Roza Hai Kuchh Sochiye Mat Bura

♥ Apne Kano Se Hargiz Bura Mat Suno

Ho Badi Jis Jahgah Wo Jagah Chhor Do

♥ Hath Ka Hai Ye Roza Suno Momini

Ke Kisi Ko Bhi Takleef Pahunche Nahi

♥ Harf Bejaa Na Likkhho Kabhi Hath Se

Paun Se Mat Chalo Tum Bure Raste

Har Burai Se Lazim Hai Darte Raho

Deen Islaam Ki Baat Karte Raho

Rozadaron Ko Ye Hukme-rehmaan Hai

Barkaton Se Bhara Mahe Ramzaan Hai

======♥ ♥ ♥ ♥ ♥ ========

Roze Me Bhool Se Tumne Kuchh Chakh Liya

Thora Sa Kha Liya, Yake Pani Piya

Yaad Aate Hi Roze Ki Ruk Jaiye

Phir Na Kuchh Pijiye Or Na Kuchh Khaiye

Isse Roza Na Tootega Aye Momini

Shart Ye Hai Ke Jaan-kar Ye Sab, Karna Nahi

Han Janboojh K Agar Tum Ko Qye- (Vomtng) Aayegi

Toot Jayega Roza Likha Hai Yehi {more..}

Roze Me Ahtiyaat Apni Rakhna Sabhi

Ke Na Injakshn Lagwana Jaan-kar Tum Momini{more..}

Ho Jo Beemaar Koe, Kare Ya Safar

Jaan Jane Ka Khatra Ho Lahaq Agar

To Na Rakhhe Wo Roza Magar Chahiye

Baad Ramzaan Ke Ro Ze Poore Kare

Jaan-kar Roza Tore Jo Be-uzar Ke

Uska Kaffara Hai 60 Roze Rakhe

Iska Kaffara Hai Doosre Tareeke Se Bhi Momino

Mashwara Jake Tum Molwi Se Karo

Aankh Me Koe Surma Lagaye Agar

Ya Ke Rogan Male Sar Me Koe Bashar {more..}

Isse Roze Me Kuchh Fark Aata Nahi

Gusl Karne Me Lekin Gararah Nahi

Garareh Se Matlab Hifazat Se Hai

Pani Andar Na Jaye, Yehi Shart Hai

Sunnate Miswaak Karo Roze Me Aye Momino

Paaki Rab Ko Pasand Hai Aye Momino {more..}

Or So Jane Se Kuchh Nahi Hai Khalal

Or Bezaari Ko Kuchh Nahi Hai Dakhal

Momino Ye Shariyat Ka Ayelaan Hai

Barkaton Se Bhara Mahe Ramzaan Hai

=====♥ ♥ ♥ ♥ ♥ ========

Rozedaro Ko Kya Ajar Dega Khuda

Ye Khuda Ke Siwa Or Kisko Pata

Roze-mhshar Unhe Khush Krega Khuda

Apna Deedaar Unko Karega Ata

Shaan-o-izzaat Se Jannat Me Wo Jayenge

Rashk Se Log Dekhenge Sharmayenge

Sair Krne Ko Gulzar-e Firdos Ka

Roze-daron Ko Dega Yaqinan Khuda

Honge Gulzaar Jannat Ke Mhke Hue

Shaad-maani Milegi Unhe Dekh Ke

Mewe Or Nemate Sab Milengi Vahan

Doodh Or Shehd Ki Hongi Nehre Rawan

Jaam Kosar Ke Bhar-bhar Ke Denge Nabi

Door Hogi Hamesha Ko Tashna-labi

Hooro Gilmaan Khidmat Krenge Vahan

Lal-o-yaqoot Ke Honge Mehl-o-Makan

Lazzat-e Aisi Jannat Me Wo Payenge

Rozedaron Ke Arma Nikl Jyenge

Jo Bhi Maloom Tha Kar Diya Wo Raqam

Rozedaro Pe Hoga Khuda Ka Karam

Ye Khabar De Raha Hamko Quraan Hai

Barkaton Se Bhara Mahe Ramzaan Hai

=====♥ ♥ ♥ ♥ ♥ ========

Is Maheene Ke Aakhir Me Wo Raat Hai

Jisme "Allah" Ki Rehmat Ki Barsaat Hai

Wo Shabe-qadr Ki Hai Khuda Ne Ata

Jisko Das So(1000) Maheene Se Behtar Kiya

Parh Ke Tasbeeh Jo Shab-be-dari Kare

Zikre Mola Kare Or Namaze Parhe

Or Durood Apne Aaqa Pe Parhta Rahe

Ya Ka-laame Khuda Ki Tilawat Kare

Aisi Sa-at Hai Usme Jo Mange Dua

Nek Maqsad Ko Poora Karega Khuda

Shab-be-dari Dari Jo Krte Hain Is Raat Me

Apne Daman Wo Bharte Hain Is Raat Me

Baap-maa Or Sab Momino Ke Liye

Mangiye Raat Bhar Fazl "Allah" Se

Momino Dekho Gaflat Me Sona Nahi

Waqt Anmol Hai Isko Khona Nahi

Tumne Jo Kuchh Suna Ispe Karna Amal

Take Hasil Hon Jannat Ke Ham Ko Mehal

Zindgi Me Na Roza Kabhi Chhorna

Rab Ke Farmaan Se Na Muh Morna

"Mumtaz" Beshak Ye "Allah" Ka Ahsaan Hai

Barkaton Se Bhara Mahe Ramzaan Hai..{more..}

=====♥ ♥ ♥ ♥ ♥ ========

*~*--ஜ۩۞۩ஜ----Mumtaz Parveen-----ஜ۩۞۩ஜ---*~*- 

●▬▬▬▬▬ஜ۩۞۩ஜ▬▬▬▬▬●

Tweet