~Ramzan Ki Fazilat aur Barkat -Part 5~

▁ ▂ ▄ ▅ ▆ ▇ █ ♥ Mumtaz ♥ █ ▇ ▆ ▅ ▄ ▂ ▁

★ 6th – FAZILAT – Roze Ka Azar Behisab Hai:
Ek Riwayat Me Rasool’Allah (Sallallahu Alaihi Wasallam) Farmatey Hai Ke –♥ Mahfum-e-Hadees:  “Roza Dozakh (Hell) Se Bachne Ke Liye Ek Dhaal Hai Isliye (Jo Rozedar Ho) Wo Na Tou Biwi Se Humbistari Karey *Aur Na Fahash (Buri) Aur Jahalat Ki Batein Kare
*Aur Agar Koi Shakhs Uss Se Ladey Ya Usey Gaali De Tou Uske Jawaab Me Sirf Ye Kehna Chaahiye Ki Mai Rozedar Hun,..

* Uss Zaat Ki Qasam Jiske Haath Me Meri Jaan Hai, Rozedar Ke Munh Ki Bu Allah Ke Nazdeek Mushk Ki Khushbu Se Bhi Zyada Pasandeeda Aur Pakeeza Hai.

* (“Allah” Farmata Hai) Banda Apna Khana Peena Aur Apni Shahwat Meri Liye Chorrta Hai,
Roza Mere Liye Hai Aur Mai Hi Iska Badla Dunga Aur Nekiyon Ka Sawaab Bhi Asal Neki Ke 10 Gunaa Hota Hai” (Dusri Hadeeso Me 70 Guna Bhi Aaya Hai).
– (Sahih Bukhari, Vol 3, H-1894)
* * * * *
★ 7th – FAZILAT – Rozedaar Ke Liye Jannat Me Khaas Darwaze Se Istekhbaal:
♥ Mahfum-e-Hadees: Hazrate Sahal Ibne Saad (RaziAllahu Anhu) Se Riwayat Hai Ke,Rasool’Allah (Sallallahu Alaihi Wasallam) Farmate Hain –
“Jannat Ke 8 Darwaze Hain, Unmey Ek Darwaze Ka Naam ‘Raiyyan’ Hai, Uss Darwaaze Se Wohi Jaayenge, Jo Roze Rakhte Hain”.
– (Sahih Bukhari, Vol 3, 1896) 

….Ek Special Darwaza Rakhna Alamat Aur Ailaan Hai Ke “Allah” Ke Paas Badi Ahmiyat Hai Rozedaro Ki ,… Isey Mamuli Mat Samjhiye,..Tou Andaza Lagayiye Roze Rakhne Walo Ki Kitni Ahmiyat Hai Ke Isnkey Istekhbaal Ke Liye Khas Intezam Farmaya Hai Allah Rabbul Izzat Ne ,.. Subhan’Allah !!* * * * *♥ In’sha’Allah-Ul-Azeez!!! “Allah” Ta’ala Hume Apne Rozo Ko Khushu Aur Khuju Ke Sath Ada Karne Ki Taufiq Dey !!!

To be Continue …

*~*--ஜ۩۞۩ஜ----Mumtaz Parveen-----ஜ۩۞۩ஜ---*~*- 

●▬▬▬▬▬ஜ۩۞۩ஜ▬▬▬▬▬●

Tweet